Samichlaus-Gedicht von der G5b

Die Arbeit der Gewinnerklasse des Samichlausgedichts.

Quelle: «Die grosse Reise des Nikolaus», ein Bilderbuch von Marlies Klein

 

Die G5b

Vode fräche Bängel zude Lieblingsklass,
vo ermürbende Lektione zu Stunde mit Spass.
Vo "Ou die närved" zu "Die hani gern!",
devo liit d'G5b no fern.
Doch bessere wennd mir üs jo scho,
doch denn isch ide Husi de Josh zu üs cho.
Mit 18 ghört d'Jara scho zu de ganz erwachsne Fraue,
bim dirigiere isch sie voll am usehaue.
D'Anja, üse schüche Engel,
het sich entpuppt als fräche Bängel.
Tanze cha d'Franca wienen Seetang,
für d'Mara isch si en guete Fang.
Die schriebt besser als de Schiller,
ihri Reims sind eifach nur de Killer.
Au de Noah rappt überaupt ned mies,
am beste laufts ade Seine in Paris.
Esse tuet d'Bertilla halt scho gern,
übrig bliibt nedmol de Avocado-Chärn.
Nachem einjährige Siitesprung z'Amerika,
ischs jo klar das d'Michelle kei Dütsch meh cha.
De Fabian chlettered gern uf höchi Sache,
Doch gege d'Höchi vo sim IQ sind die zum Lache.
D'Emma brilliert im Ballet,
doch wenn sie twerkt wird eim klar wiso sie jede wett.
D'Angelika isch zwar es Sprachgenie,
defür übertriibt sie's ab und zue mit Ironie.
D'Céline, die bached wienen Star,
doch leider het sie ned allzu viel Haar.
D'Sarah und de Yemi sind wie Tag und Nacht,
segs vode Grössi her oder vode Farbepracht.
Creepy sii liit de Corina frei,
Rücksicht uf üs nimmt sie debi kei.
D'Zaira isch zwar kein breite Mocke,
defür weiss sie wie mer tuet d'Husi rocke.
Du wotsch wüsse was hüt wotsch ide Schuel täge?,
Ich seg der's, musch eifach d'Rebecca fräge.
Zugueterletscht üse Klasselehrer,
au er isch ned nur en Programmfehler.
Zum churz nach de Ferie ned grad z'übertriibe,
entscheidet er sich mitem Thema "Nasehaar" iizstiige.
Uf's Dach becho hend mir scho oft,
und zitternd uf vergebig ghofft.
Liebe Samichlaus, mal abgseh vo Norme und vo Note im Test,
muesch au zuegeh, üsi Klass isch die bescht!